Даваа гарагт ОХУ Украины дэд бүтцийн чухал газруудыг онилж, 50 гаруй пуужин харваснаас үүдэн Украины нийслэл Киев хот болон бусад мужид эрчим хүч хийгээд ус тасрахад хүрчээ.

Оршин суугчдын хэлж байгаагаар Киев хотод л гэхэд дор хаяж 2 пуужин дэлбэрсэн бөгөөд нэг дүүрэг тэр чигтээ эрчим хүчгүй болсон гэнэ. Түүнчлэн Украины зүүн хойд хэсэг дэх Харькив хотод ч мөн эрчим хүчний дэд бүтэц нь пуужинд өртсөн бол бусад пуужин төв Винницька муж, Украины зүүн өмнөд хэсгийн Днипропеьровск, Запорижжя, баруун хэсэгт оршдог Лвивд унажээ.

Дайны тухай шуурхай мэдээгээр Запорижжя муж дахь усан цахилгаан эрчим хүчний станц ч дэлбэрсэн юм. Тийнхүү Киев хотод л гэхэд 350,000 орон сууцыг эрчим хүчээр хангадаг байгууламж гэмтсэн тул тус байгууламжийг сэргээн засварлахаар нэн даруй инженерүүдийг илгээсэн байна.

Одоогийн байдлаар пуужингийн дэлбэрэлтээс үүдэн хүмүүс амь эрстсэн эсэх талаар ямар нэг мэдээлэл үгүй ажээ.

Украины Зэвсэгт хүчнээс мэдээлснээр тэд 50 гаруй пуужингаас 44 пуужинг агаарт байхад нь буудаж унагасан гэсэн юм.

Эх сурвалж: BBC