Өнөө өглөөний 09:00 цаг болохоос хэдхэн минутын өмнө БНАСАУ пуужин харваж, Өмнөд Солонгосын Үллэнгдо арал дээр агаарын дайралтаас сэрэмжлүүлэх дохиолол дуугарчээ.

BBC агентлагаас мэдээлж байгаагаар Хойд Солонгосын тал дор хаяж 3 пуужин харвасан гэсэн юм.

Пуужинг тэд Хойд Солонгосоос зүүн өмнө зүгт харвасан нь Өмнөд Солонгосын Үллэнгдо арлын аюулгүй байдалд заналхийлжээ.

Хойд Солонгосоос ийн пуужин харвах болсон нь тэд өнгөрөгч даваа гарагт эхэлсэн Өмнөд Солонгос, АНУ-ын хамтарсан цэргийн бэлтгэлийг хүчтэй эсэргүүцэж байгаатай холбоотой юм.

Мягмар гарагт Хойд Солонгосын удирдагч Ким Жон Ун цэргийн сургуулилттай холбогдуулан Өмнөд Солонгост сануулга өгсөн бөгөөд хэрэв сануулгыг хүлээж авахгүй бол “хүчтэй арга хэмжээ” авах болно хэмээсэн билээ.

Эх сурвалж: BBC