Мягмар гарагт ХБНГУ Серби улсад хандаж, тэднийг Европын Холбоонд элсэх эсхүл ОХУ-тай түншийн харилцаатай болохын аль нэгийг сонгох ёстой гэж хэлжээ.
ХБНГУ-ын талаас ийн хэлэх болсон шалтгаан нь пүрэв гарагт баруун Балканы зургаан орон Берлин хотноо хамтын ажиллагаагаа илүү батжуулахаар хэлэлцээр хийх товтой байгаа юм.
ХБНГУ-ын засгийн газраас хэлснээр, “Геополитикийн хүрээнд гарч буй өөрчлөлтүүдийг авч үзэхэд шийдвэр гаргах хэрэгтэй байна.
Серби-Оросын хамтын ажиллагааг өргөжүүлэх гэрээ бидний хувьд ихээхэн гэнэтийн хэрэг байсан. Тус гэрээг байгуулснаараа Серби улс Европын Холбооны гишүүн байх шалгуурт тэнцэхгүй гэдгээ харуулсан.
Европын Холбоонд элсэхээр горилогчид ОХУ-ын эсрэг тавьсан бидний хоригийг дэмжих учиртай” гэжээ.
Серби улсын хувьд 20 жилийн өмнө НАТО-д бөмбөгдүүлж байсан ч өдгөө Европын Холбоонд элсэхээр эрмэлзэж байгаа юм. Гэвч тэдний хувьд барууны орнуудтай эдийн засаг, улс төрийн интеграцид орох хүсэл эрмэлзэл хийгээд Серби-Оросын хоорондох олон жилийн түүхт харилцаа холбоог хадгалах хичээл зүтгэлээ тэнцвэртэй байлгах гэж ихээхэн зовж байгаа билээ.
Эх сурвалж: The Reuters