АНУ-ын Ерөнхийлөгч Жо Байден газрын тос, байгалийн хийн компаниудад хандан өмнөх улиралд олсон их хэмжээний ашгаа үйлдвэрлэлийн гарц нэмэгдүүлэхэд эсвэл илүү өндөр татвар төлөхөд зориулахыг Даваа гарагт уриаллаа.

Инфляцад дарлагдсан америкчууд автомашинаа шатахуунаар дүүргэж чадахгүй багахан хэмжээгээр худалдан авч байхад газрын тосны тэргүүлэгч компаниуд үлэмж хэмжээний ашиг олж буйг Байден шүүмжиллээ. Тэрбээр “Тэдний ашиг бол дайнаас үүдэлтэй гэнэтийн ашиг юм. Газрын тосны салбарынхан Америкт хөрөнгө оруулалт хийж, Америкийн ард түмнийг дэмжих үүргээ биелүүлэхгүй байна” хэмээв. Тэрчлэн газрын тосны компаниуд ашгаа хэрэглэгчдэд шилжүүлбэл шатахууны одоогийн үнэ 50 центээр буурах боломжтой. Эс бөгөөс илүү өндөр татвар ногдуулах болно хэмээн ярьсан юм.

Харин мэргэжилтнүүд ирэх сонгуулиар Ардчилсан нам эсвэл Бүгд найрамдах нам ялахаас үл хамаарч эрчим хүчний компаниудад нэмэлт ашгийн татвар ногдуулах хууль батлах маш хэцүү байх болно гэж үзэж байна.

Эх сурвалж: Reuters