Лхагва гарагт Холбооны Нөөцийн сангаас бодлогын хүүгээ дахин өсгөх шийдвэр гаргажээ. Тийнхүү АНУ-ын Төв банк бодлогын хүүгээ дахин 75 суурь нэгжээр өсгөснөөр тус улсын бодлогын хүү 2008 оны их хямралын үеийнхтэй ижил хэмжээнд буюу 3.75%-4.0% хувьд хүрсэн байна.
Холбооны Нөөцийн сангаас найдаж байгаагаар зээлийн хүүг өсгөх нь бараа бүтээгдэхүүний үнийг бууруулах юм.
Гэвч шүүмжлэгчдийн санаа зовниж байгаагаар бодлогын хүүг ийн эрчимтэй өсгөх нь эдийн засгийг уналтад оруулах гол хүчин зүйл болж магадгүй гэнэ.
Үйл явдлын хүрээнд ХНС-ийн тэргүүн Жероми Пауэллын анхааруулснаар, Төв банкнаас бодлогын хүүгээ дахин өсгөх шинжтэй байгаа гэжээ.
Түүнчлэн Английн Төв банк ч өнөөдөр буюу пүрэв гарагт хуралдах бөгөөд шинжээчдийн таамаглаж байгаагаар тэд бодлогын хүүгээ мөн 75 суурь нэгжээр өсгөх юм. Хэрэв тэгвээс Английн Төв банк 1989 оноос хойш анх удаа бодлогын хүүгээ 75 суурь нэгжээр өсгөсөн болох ажээ.
Эх сурвалж: BBC