Удахгүй төрийн өмчит компани болох гэж буй эрчим хүчний Юнипер компани энэ оны эхний 9 сард нийт 39.3 тэрбум еврогийн алдагдал хүлээжээ.
Энэ нь ХБНГУ-ын аж ахуйн нэгжүүдийн түүхэн дэх хамгийн өндөр дүнтэй алдагдал юм. Юниперээс өмнө 2002 онд Дойчэ Телеком компани 25 тэрбум еврогийн алдагдалтай ажиллаж байснаар Германы түүхэн дэх хамгийн их алдагдалтай компаниар нэрлэгдэж байжээ.
Тэдний ийн алдагдал хүлээх болсон шалтгаан нь ОХУ Герман руу нийлүүлэх байгалийн хийн нийлүүлэлтээ зогсоосонтой холбоотой юм.
Он гарсаар Юнипер компани зах зээлийн үнэлгээнийхээ 93 хувийг алдсан бөгөөд энэ оны нэгдүгээр сард 15.2 тэрбум еврогоор үнэлэгдэж байсан тус компанийн зах зээлийн үнэлгээ өдгөө ердөө 1.1 тэрбум еврод хүрээд байгаа ажээ. Тийнхүү компанийн нэгж хувьцааны үнэ нь 3 хувиар буурсан байна.
Эх сурвалж: The Reuters