Твиттер албан ёсоор “баталгаажсан хэрэглэгч”-ийн цэнхэр тэмдгээ сарын 7.99 ам.доллароор үнэлж, хэрэглээнд нэвтрүүллээ.

Тэрбумтан Илон Маск Твиттерийг худалдан авсан даруй тус тэмдгийг эзэмшигч нараас сар бүр хураамж авах нь зүйтэй гэж үзсэн юм. Тийнхүү ноён Маск анх 20 ам.доллароор үнэлж байсан цэнхэр тэмдгээ сард 8 ам.доллароор үнэлэх болжээ.

Үйл явдлын хүрээнд iOS үйлдлийн систем бүхий ухаалаг утас хэрэглэгч нар Apple Store руугаа орох аваас сарын 8 ам.доллар төлөх нь ямар давуу талтайг мэдэж болох юм.

Одоогийн байдлаар энэхүү нэмэлт бүтээгдэхүүн бүхий Твиттерийн шинэ хувилбар нь зөвхөн АНУ, Канад, Австрали, Шинэ Зеланд, Их Британийн хэрэглэгчдэд нээлттэй байгаа ажээ.

Цэнхэр тэмдгийг эзэмшихийн давуу талыг Твиттерээс танилцуулснаар, уг тэмдгийг эзэмшигч нарт 50 хувь бага зар сурталчилгааг үзүүлэх бөгөөд цаашид “баталгаажсан хэрэглэгч”-д Твиттер дээр илүү урт хугацааны бичлэг нийтэлж, сэтгэгдэл, хайлтын утгаа эрэмбэлүүлэх боломжтой болох гэнэ.

Эх сурвалж: UNILAD