Даваа гарагт ӨМӨЗО-ы эрх баригчдын мэдээлснээр, тус нутгийн археологичид тэртээ 6000 жилийн өмнөх шинэ чулуун зэвсгийн үеийн дурсгалт газрыг олжээ.
Улаанцавын соёл, аялал жуулчлалын товчоогоос мэдэгдсэнээр, тус дурсгалт газар нь ӨМӨЗО-ы Улаанцав хотын Цахар Баруун гарын дунд хошууны нутаг дэвсгэрт байрлаж байсан гэнэ. Харин хэрхэн олсон тухай тодруулахад тухайн нутгийн малчид өвс ногоогүй, хачирхалтай хэлбэртэй чулуун зэвсгээр хучигдсан эзгүй газрыг олж, холбогдох албаныханд мэдэгджээ.
Улмаар археологичид тус газарт судалгаа хийж, чулуун хутга, чулуун бутлуурын таваг, чулуун цавчуур, чулуун сүх зэрэг харьцангуй эвдрэл багатай эд өлгийг олсон бөгөөд хясаа, шавар ваарны хэсгүүд ч олдсон байна.
Тийнхүү археологичид тус хошууны нутаг дэвсгэрээс шинэ чулуун зэвсгийн үеийн хоёр дахь дурсгалт газраа олсныг албан ёсоор зарлажээ.
Эх сурвалж: Xinhua