Nvidia Corp Америкийн чип үйлдвэрлэгч компани Хятадад шинэ дэвшилтэт чипээ худалдах санал тавьжээ. Тус чипийг АНУ-ын шинэчлэгдсэн экспортын хоригт хамаарахгүй байхаар тусгайлан бүтээсэн аж.
Америк улс сүүлийн үеийн дэвшилтэт технологио Хятадад алдахгүйн тулд дэвшилтэт чипний экспортод хориг тавьсан. Тус хоригт Nvidia-ийн A100 GPU чип багтсаны улмаас олон зуун сая ам.долларын орлогоо алдсан юм. Тиймээс алдагдлаа нөхөхийн тулд хуульд нийцсэн, хоригт хамаарахгүй шинэ хувилбарыг нь бүтээж Хятадад санал болгож байна.
Nvidia-ийн A800 хэмээн нэрлэсэн тус чипийг агуулсан бүтээгдэхүүнийг Хятадын компьютер үйлдвэрлэгчид хэдийн сурталчлаад эхэлсэн байна. Энэ төрлийн дэвшилтэт чип тус бүр хэдэн мянган ам.долларын үнэд хүрэх боломжтой. Түүнчлэн, A800 чипний хурд секундэд 600 гигабайттай тэнцэж байсан бол A100-ийн хурд 400 гигабайт байгаагаас бусдаар дээрх хоёр загварын хоорондын ялгаа тун бага хэмээн сэжиглэх хүмүүс бий. Nvidia улирлын тайлангаа арваннэгдүгээр сарын 16-нд зарлана.
Эх сурвалж: Reuters