Илон Маскийн цахилгаан машины жолоодлогын туслах систем нь бартаат зам туулсны дараа эсвэл хүчтэй донсолгоо, нүхэн дээгүүр харайсны дараа доголдох магадлалтай тул зах зээлээс эргүүлэн татаж байна.
Тус доголдол үүссэн тохиолдолд бага хурдаар явах үед жолоодлого маш хатуу болж, залахад их хүч шаардсанаар ослын эрсдэлийг нэмэгдүүлнэ хэмээн Үндэсний хурдны замын хөдөлгөөний аюулгүй байдлын албанаас мэдээллээ. Эргүүлэн татах ажиллагаанд 2017-2021 оны Model S болон Model X автомашинууд хамаарна. Tesla тус системийг шинэчилсэн программ хангамжийг бэлэн болгосон. Мөн тус доголдлын улмаас бэртэж гэмтсэн, нас барсан тохиолдол бүртгэгдээгүй байна.
Түүнчлэн, Tesla Европын зах зээлд зориулан бүтээсэн 2021 оны Model S загварынхаа арын толийг Америкийн шаардлагад нийцүүлэн шинэчлэхээр эргүүлэн татаж байна. Тус компани 2022 онд 17 удаагийн мэдэгдлээр нийт 3.4 сая автомашиныг эргүүлэн татаад байна.
Эх сурвалж: BBC