Мягмар гарагт Оскарын шагналт америк жүжигчин Шон Пенн Украины ерөнхийлөгч Володимир Зеленськийтэй биечлэн уулзаж, Оскарын цомоо түүнд гардуулжээ.
Шон Пенн ерөнхийлөгчийн уулзалтын өрөөнд зочилж түүнтэй уулзахдаа цүнхнээсээ цомоо гарган ирж ширээн дээр тавьсан бөгөөд цомыг Зеленськийтэй цуг байгааг мэдэх нь түүнд энх тайвныг мэдрүүлнэ гэсэн юм.
Өдгөө 62 настай Шон Пенний хувьд хоёр ч удаа Оскарын шагнал авч байсан билээ. Тэрээр Украин улсад өрнөж буй дайны тухай баримтат кино хийж байгаа юм.
Харин цомыг хүлээн авсан Украины ерөнхийлөгч дайнд ялсан хойноо цомыг Шон Пеннд эргүүлэн өгөхөө амласан байна.
Тийнхүү уулзалтын хүрээнд Володимир Зеленський ч жүжигчинд бэлэг өгсөн юм. Мөн албаныхан түүний нэрийг гарын үсэг, он, сар, өдрийн хамтаар буулгасан хавтанг талбайд байршуулснаа үзүүлж, түүнд талархал илэрхийлжээ.
Эх сурвалж: UNILAD