Германы биотехнологийн компани BioNTech ковидын халдварын эсрэг вакцинаа Хятадад оршин сууж буй гадаад иргэдэд нийлүүлэх талаар Хятадын эрх баригчидтай хэлэлцэж байна. Гэвч хэлэлцээрийн үр дүн тодорхойгүй хэвээр байгаа юм.

Хятад улс BioNTech-ийн вакциныг гадаадын оршин суугчдад олгохыг зөвшөөрсөн хэмээн Германы канцлер Олаф Шольц өнгөрсөн долоо хоногт мэдэгдсэний дараа BioNTech-ийн хувьцааны ханш өсөж байна. Гэвч хэлэлцээр сунжрах магадлал бий. Хятадад ажиллаж буй гадаадын иргэд BioNTech-ийн вакциныг авах хугацаа, цар хүрээг урьдчилан таамаглахад эрт байна. BioNTech-ийн стратегийн ахлах ажилтан Райан Ричардсон “Хэлэлцээр тун нааштай үргэлжилж байна” гэхээс өөр нэмэлт мэдээлэл өгсөнгүй. Хэлэлцээр амжилттай эцэслэвэл ковидын цар тахлын эсрэг mRNA технологид суурилсан вакцинд Хятад улс зөвшөөрөл олгож буй анхны тохиолдол болох юм.

Эх сурвалж: Reuters