Менежментийн Форумд жил бүр Монгол улсын ТОП 150 компанийн Чэйрмэн, СЕО нар хуран чуулж менежментийн шилдэг арга туршлагуудаа хуваалцаж, хамтын ажиллагаагаа хөгжүүлдэг билээ. Өнгөрсөн жилийн форум нь Sharing is Caring уриан дор болж өнгөрсөн бол энэ удаагийн форумаар сүүлийн үед олон улсад өрнөж буй үйл явдал, гэнэтийн сорилтуудад Монголын топ корпорацууд хэрхэн бэлдэх талаар хэлэлцэх юм.

Менежментийн Форум 2022 хурлаар Дэлхийн Шинэ Дэг, Эдийн Засгийн Шинэ Сорилт, Дижитал Өөрчлөлт, Менежментийн Хувьсал сэдвүүдээр гадаад дотоодын шилдэг илтгэгч нар, профессорууд, захирлууд өөрсдийн судалгаа, туршлагаасаа хуваалцах юм.