Дэлхийн хамгийн том гэрээт чип үйлдвэрлэгч TSMC компани Америкт олон тэрбум ам.долларын хөрөнгө оруулалт дахин хийхээр бэлтгэж байна. Америкийн хөрсөн дээр дэвшилтэт технологийн үйлдвэр байгуулахад төрөөс их хэмжээний тусламж үзүүлэх шийдвэр гарснаар TSMC компани АНУ-д хоёр үйлдвэр байгуулахаар төлөвлөж буй бололтой.
Тус компани Финиксийн хойд хэсэгт чипний үйлдвэр байгуулахаар амлалтыг 2020 онд өгсөн. Өдгөө тус үйлдвэрийн дэргэд 12 тэрбум ам.долларын төсөвтэй хагас дамжуулагчийн дахин нэг үйлдвэр байгуулахаар төлөвлөж буй тухай нэрээ нууцлахыг хүссэн дотоод ажилтан мэдээлэл өглөө. Тэрхүү үйлдвэртээ гурван нанометрийн дамжуулагч буюу одоо ашиглаж буй хамгийн жижиг бөгөөд хурдан чипийг үйлдвэрлэх ажээ.
Ойрын хугацаанд чипний зах зээл сул байгаа тул SMC зэрэг олон чип үйлдвэрлэгч богино хугацааны хөрөнгө оруулалтын төлөвлөгөөгөө багасгаж, зардлаа хязгаарлаж эхэлсэн. Гэвч урт хугацаанд хурдтай өсөлт үзүүлэх тооцоо бий. Ирэх 10 жилд дэлхийн борлуулалт хоёр дахин нэмэгдэн 1 их наяд гаруй ам.долларт хүрэх юм.
Эх сурвалж: Wall Street Journal