Испани улсын баруун хойд хэсэгт оршдог Салто де Кастро тосгоныг 260,000 еврогоор зарах болжээ.
Португал улстай хил залгаа Замори мужийн нутаг дэвсгэрт оршдог энэхүү тосгон нь Мадрид хотоос 3 цагийн зайтай бөгөөд тосгон нийт 44 амины орон сууц, зочид буудал, сургууль, сүм, усан сан, хуарангийн байгууламжтай юм. Тийнхүү тосгоныг бүх л зүйлийнх нь хамтаар ердөө 1 тэрбум хүрэхгүй төгрөгөөр зарах болсон байна.
Нэг ч оршин суугчгүй энэ тосгоны өмчлөгч нь 2000 оны эхээр тосгоныг аялал жуулчлалын бүс болгох зориулалтаар худалдан авч байсан ч евро бүсийн хямралаас үүдэн зорилгоо биелүүлж чадаагүй юм.
Гурван арваны турш хэн ч амьдраагүй тус тосгоныг худалдах мэдээлэл Idealiste гэх веб хуудаст байршсан байна.
Эх сурвалж: BBC