Шинжээчдийн тооцоолсноор 2022 онд уур амьсгалын өөрчлөлтийн гол хүчин зүйл болох нүүрстөрөгчийн давхар ислийн бохирдол бүх цаг үеийн дээд хэмжээнд хүрнэ гэжээ.
Учир нь ОХУ Украин улсад дайн эхлүүлснээс үүдэн улс орнуудад эрчим хүчний хямрал нүүрлэж, хямралаас гарахын тулд засгийн газрууд нүүрсний цахилгаан станцуудаа эргэн ажиллуулах болсон юм. Улмаар нүүрстөрөгчийн давхар ислийн бохирдол энэ онд 40.6 тэрбум тоннд хүрэх бөгөөд үүний 90 орчим хувь нь чулуужсан нүүрснээс ялгарах ажээ.
Тийнхүү урьдчилсан тооцооны хүрээнд шинжээчдийн анхааруулж байгаагаар нүүрстөрөгчийн давхар ислийн бохирдол ийм их хэмжээнд хүрэх нь уур амьсгалын тогтолцоонд ноцтойгоор заналхийлэх гэнэ.
Харин дэлхийд агаарын бохирдлоороо тэргүүлдэг БНХАУ-ын хувьд энэ онд нүүрстөрөгчийн давхар ислийн бохирдлын хэмжээ нь 0.9 хувиар буурах төлөвтэй байгаа юм. Үүний шалтгаан нь БНХАУ “0 КОВИД” бодлогыг хэрэгжүүлсэнтэй холбоотой ажээ.
Эх сурвалж: Al Jazeera