Энэ жил 76 настай АНУ-ын ерөнхийлөгч асан Дональд Трамп 2024 оны ерөнхийлөгчийн сонгуульд нэр дэвшинэ гэдгээ орон нутгийн цагаар 15-ны өдөр албан ёсоор зарлав. Ингэснээр 2016, 2020 оны ерөнхийлөгчийн сонгуульд нэр дэвшиж байсан түүний хувьд гурав дахь удаагийн сонгууль болох юм.

Ерөнхийлөгч асан Трамп өнгөрөгч орой Флорида дахь Мар-а-Лаго хотхонд үг хэлэх үеэрээ "Би Америкийг дахин агуу гүрэн болгохын тулд АНУ-ын ерөнхийлөгчийн сонгуульд нэр дэвшинэ гэдгээ албан ёсоор зарлаж байна” хэмээн цохон тэмдэглэжээ. Тэрээр үргэлжлүүлэн “Хоёр жилийн өмнө бид агуу гүрэн байсан, удахгүй дахин агуу гүрэн болох болно” хэмээв.

Ерөнхийлөгч асан Трамп 2024 оны ерөнхийлөгчийн сонгуульд өрсөлдөхөөр Холбооны сонгуулийн хороонд (FEC) бичиг баримтаа хүргүүлсэн талаар Ройтерс агентлаг мэдээллээ.

Ийнхүү Трамп ерөнхийлөгчийн сонгуульд нэр дэвшинэ гэдгээ албан ёсоор зарласнаар завсрын сонгууль дуусгавар болж байгаа бол ирэх оны нэгдүгээр сард шинэ Конгресс нээлтээ хийснээр АНУ-ын улс төрийн ертөнц дараагийн буюу ерөнхийлөгчийн сонгуулийн шатандаа шилжих бололтой.

Эх сурвалж: JoongAng