Америкийн сансар судлалын агентлаг NASA Флоридагийн Канаверал хошуунаас түүхэн дэх хамгийн том пуужингаа хөөргөлөө. Ойролцоогоор 100 метр өндөртэй Artemis пуужин сүр дуулиантайгаар гэрэл цацруулж, дуу чимээ түгээсээр тэнгэрт гарав.
“Энэ бол миний амьдралдаа харж байсан хамгийн том дөл, топ акустик байлаа” хэмээн NASA-гийн захирал Билл Нелсон хэллээ. Тус пуужин Orion хэмээх сансрын нисгэгч бүхий капсул хөлөг тээвэрлэж буй бөгөөд түүнийг сарны чиглэлд шидэх зорилготой юм. Orion энэ удаад баг бүрэлдэхүүнгүй хөөрч байгаа боловч тус туршилт амжилттай өндөрлөсөн тохиолдолд дараачийн удаа сарны гадаргуу руу хүн тээвэрлэх болно. Тус Artemis пуужинг наймдугаар болон есдүгээр сард хөөргөхийг оролдсон боловч болзошгүй техникийн саатлын улмаас хойшлуулсан билээ.
Artemis пуужин Orion хөлгөө сар луу зөв чиглүүлэхийн тулд эх дэлхийн гадна хэд хэдэн чухал маневр хийх шаардлагатай юм. Дараа нь Orion 26 хоног аялан сарны тойрог замд орох бөгөөд ирэх сарын 11 өдөр эх дэлхийд буцаж ирэх хуваарьтай байна. Арванхоёрдугаар сард хүн төрөлхтөн саран дээр сүүлд алхсан Apollo 17-ийн 50 жилийн ой тохионо.
Эх сурвалж: BBC