Toyota Motor Corp 25 жилийн түүхтэй хос хөдөлгүүрт загвараа зах зээлд дахин идэвхжүүлэх зорилгоор Prius-ийн 2 литрийн багтаамжтай, цахилгаан залгууртай шинэ загвараа танилцууллаа.

Tesla зэрэг цахилгаан автомашин ихэнх хэрэглэгчийн хувьд өндөр үнэтэй тусдаг. Тиймээс Toyota өдөр тутамд гол төлөв зөвхөн цахилгаанаар ажиллах боломжтой шинэ Prius загвараа илүү олон хүнд хүргэх зорилгоор "боломжийн үнэтэй" бүтээжээ. “Prius бол олонхын машин. Цөөнх биш бүх хүн унах боломжтой байх ёстой” хэмээн Toyota-ийн ерөнхий менежер Саймон Хамфрис танилцуулах ёслолын үеэр хэлсэн юм. Тус тавдугаар үеийн шинэ Prius нь Toyota-ийн 2000сс моторын багтаамжтай хосолмол системтэй анхны загвар болно. Мөн 144 киловаттын цэнэг хураагууртай, батарейгаар туулах зам нь өмнөх загвараасаа 50 хувиар нэмэгдсэн, 100 километр цагийн хурдыг 7.5 секундийн дотор авдаг ажээ.

Анх 1997 онд худалдаанд гарсан бензин, цахилгаан хосолсон хөдөлгүүртэй Prius цувралын автомашинууд одоо ч өргөн хэрэглээнд нийцсэн дундаж үнэтэй, байгальд ээлтэй загварт тооцогдсон хэвээр байна. Toyota "хүртээмжтэй ханш тогтооно" гэхээс өөрөөр шинэ загварынхаа үнийн тодорхой мэдээллийг өгсөнгүй. Шинэ Prius-ийг өвлөөс худалдаанд гаргана.

Эх сурвалж: Reuters