Илон Маск Twitter-ийн ажилтнууд өөрийг нь Slack дахь чат групптээ шүүмжилж буйг мэдсэн даруйдаа бүгдийг нь ажлаас халжээ.

Тус явдлын улмаас яг хэдэн ажилтан халагдаж буй тодорхой мэдээлэл байхгүй боловч барагцаагаар 20 хүн чаталснаасаа хойш нэг хоногийн дотор ажлаас халагдах мэдэгдэл хүлээн авсан. Тэдний зарим нь халагдсан тухайгаа шөнө дунд мэджээ.

Twitter-ийн шинэчлэлийн хүрээнд 3,700 орчим үндсэн ажилтныг цомхотгох ажил үргэлжилж байна. Цомхотголд орохгүй хүмүүсийн хувьд хэт өндөр ачаалалтай ажиллах нь тодорхой боллоо. Маск ажилтнуудаасаа “уртасгасан цагаар өндөр ачаалалтай ажиллах” амлалт авч байна. Үүнийг зөвшөөрөөгүй тохиолдолд ажлаас халагдах өргөдлөө өг гэжээ. Энэ тохиолдолд гурван сарын цалинтай нь тэнцэх тэтгэмж олгох юм. Шийдвэрээ Пүрэв гарагт ажлын цаг дуусахаас өмнө өгөхийг анхааруулжээ. Twitter-ийн шинэчлэл үргэлжилж байна.

Эх сурвалж: Gizmodo, Verge