Өнгөрөгч мягмар гарагт Польш улсын Украинтай хиллэдэг тосгонд пуужин унаж дэлбэрэн 2 хүний амь эрстсэн билээ. Тэгвэл НАТО-ийн тэргүүн Йенс Столтенбергийн зүгээс BBC агентлагт хандан тодруулга хийхдээ пуужин гарцаагүй Украин улсынх байсан хэмээжээ.

Одоогийн байдлаар хэрэг явдлыг мөрдөн шалгах ажиллагаа үргэлжилж, эцсийн дүгнэлт гараагүй байгаа ч түүний хэлснээр, “Энэ[пуужин] нь Украины агаарын довтолгооноос хамгаалах зориулалттай пуужин байсан байх магадлал тун өндөр” гэсэн юм.

Йенс столтенберг Польш улсад унасан пуужингийн хүрээнд тийн тодруулга хийсэн ч Украин улсад өрнөж буй дайны гол буруутныг ОХУ хэмээн нэрлэсэн байна.

Гэвч Украин улсын талаас Польшийн нутаг дэвсгэрт унасан пуужинг Оросоос харвасан гэсэн байр суурьтаа бат зогсож байгаа билээ. Улмаар Володимир Зеленський тэнэсэн пуужингийн хэргийг мөрдөн шалгах ажиллагаанд Украин улс оролцох нь зүй ёсны хэрэг хэмээгээд байгаа юм.

Эх сурвалж: BBC