2020 онд 59 настай эрэгтэй бөөр шилжүүлэн суулгах мэс засал хийлгэснээс болж дархлаа нь суларсан байв. Улмаар тухайн жилийн арванхоёрдугаар сард коронавирусийн шинжилгээ нь эерэг гарснаас хойш хамгийн багадаа 411 хоногийн турш тасралтгүй халдвартайгаа тэмцжээ.
Тус хугацаанд ямар нэг шинэ хувилбарын халдвар аваагүй, анхны халдвар нь эдгэрэхгүй ийнхүү удсан болохыг генийн шинжилгээгээр баталсан. Өвчтөн ханиалгах, халуурах, үнэр алдах зэрэг анхаарал татахуйц шинж тэмдэггүй, хаяа маш хөнгөн шинж тэмдэг илэрч байсан аж. Түүний биеийн байдал сайн байсан тул вирусын эсрэг болон эсрэгбиеийн зэрэг эмчилгээнд хамрагдах шалгуурт нийцээгүй. Гэвч эмч нар эцэст нь 2022 оны хоёрдугаар сард эсрэгбиеийн эмчилгээ хийснээр эдгээж чаджээ. Ийм удаан хугацааны халдварын үед вирус нь хүний биед мутацид орж болзошгүй тул эрдэмтэд нарийн ажиглаж байсан юм.
Тус тохиолдлыг 11-р сарын гуравны өдөр Clinical Infectious Diseases эрүүл мэндийн сэтгүүлд нийтэлсэн байна. Судалгаанд дурдсанаар ковидын халдвараар хамгийн удаан өвчилсөн хүн 505 хоногийн турш халдвартайгаа тэмцэж байгаад 2022 оны дөрөвдүгээр сард нас барсан. Мөн нэг өвчтөний бие дэх халдвар 30 гаруй удаа мутацид орж байсан өвөрмөц тохиолдол бүртгэгдсэн юм.
Эх сурвалж: Business Insider