БНАСАУ-ын удирдагч Ким Жон Ун охинтой эсэх мэдээлэл олон жилийн турш хүмүүсийн сонирхлыг татаж ирсэн. Тэгвэл баасан гарагт Ким Жон Ун өөрийн охиныг анх удаа олон нийтийн өмнө гаргажээ.
Батлагдаагүй мэдээгээр охиныг Ким Чу Э гэдэг бөгөөд тэр тив хоорондын баллистик пуужин хөөргөхийг үзэхээр аавтайгаа цуг явсан байна.
KCNA агентлагаас нийтэлсэн хэд хэдэн зургийг үзвэл аав охин хоёр хөтлөлцөн алхаж, албаны хүмүүстэй яриа өрнүүлж, пуужин хөөрөх мөчийг алсаас харуулдаж буй нь харагдах ажээ.
Ким Жон Уны хувьд нууцлал өндөртэй нэгэн тул түүний хувийн амьдралын талаар мэдэх хүн тун цөөхөн. Тиймдээ ч түүний охинтой эсэх нь цуу яриа төдий байсаар өдийг хүрсэн юм.
Охины тухай яриа анх 2013 онд сагсан бөмбөгийн од Деннис Родмэн тус улсад баримтат кино хийхэд л гарч байсан бөгөөд түүнээс хойш олон нийтийн зүгээс охин үнэхээр байдаг эсэхийг сонирхох болжээ. Гэвч Деннис Родмэний киноноос өөр Чу Э охины оршихуйг батлах ямар ч баталгаа байгаагүй бол баасан гарагт тийн Зим Жон Ун охинто болох нь батлагдсан байна.
Эх сурвалж: BBC