ОХУ-ын Камчатка дахь "Шивелуч" галт уул хэт идэвхжиж тэсрэхэд бэлэн болсон хэмээн арваннэгдүгээр сарын 20 өдөр мэргэжилтнүүд анхаарууллаа.
Улмаар “Шөнийн цагаар галт уулын тогоо нь бараг бүхэлдээ гэрэлтэж харагддаг. Халуун магмын давхарга дээшилж, их хэмжээний утаангар гарч байна. Төд удалгүй тэсрэлтүүд болон халуун нурлага эхэлнэ” хэмээн Камчаткийн Галт уулын тэсрэлт, эрсдэлийн баг мэдэгдэв. Мөн үнс агаарт 10-15 километр өндөрт цацагдах магадлалтай тул олон улсын болон нам өндөрт нисэх онгоцнуудад сөрөг нөлөөтэй хэмээн анхаарууллаа. Тэрчлэн 1,000 хэмийн халуун нурлага, үнс, хий галт уулын тогооноос өндөр хурдаар доош чиглэлд урсах бөгөөд үүнийг перокластик урсгал гэнэ. Тус урсгал нэг цагт 100 километр орчим хурдтай урсаж чадах бөгөөд замд тааралдсан бүхнийг устгадаг юм.
Эх сурвалж: Reuters