Умард Атлантын цэргийн эвсэл буюу НАТО-гийн зүгээс Украинд халдан түрэмгийлээд буй ОХУ-ыг алан хядагч орны тоонд оруулж, дайны гэмт хэргийг шийтгэх олон улсын тусгай шүүх байгуулахыг уриалав.

Орон нутгийн цагаар 21-ний өдөр Украины төрийн мэдлийн Украинформ мэдээллийн агентлагийн мэдээлснээр,жил бүр зохион байгуулагддаг НАТО-гийн парламентын холбооны хурал мөн өдөр болж өнгөрсөн ба энэ үеэр НАТО-гийн гишүүн 30 орон Оросыг террорист улсын тоонд оруулж, олон улсын тусгай шүүх байгуулахаар тохиролцсон байна. Украины төлөөлөгчдийн тэргүүн Ехор Черниев "НАТО-гийн парламент Оросыг террорист улсын жагсаалтад оруулахыг зөвшөөрсөн. Түүнчлэн олон улсын тусгай шүүх байгуулснаар Украины хямралтай холбоотой дайны гэмт хэрэг төдийгүй Оросын өндөр албан тушаалтнуудыг шүүх боломжтой болно” хэмээн онцлон тэмдэглэв.

НАТО-гийн гишүүн орнууд Украины хямралын улмаас учирсан хохирлыг тогтоох, ногдуулахтай холбоотой асуудлыг хэлэлцсэн аж.

Эх сурвалж: Maeil