Барууны орнууд Оросын газрын тосны бүтээгдэхүүнд үнийн дээд хязгаар тогтоохоор төлөвлөж буй нь эрчим хүчний зах зээлд ноцтой үр дагаварт хүргэж болзошгүйг ОХУ-ын ерөнхийлөгч Владимир Путин анхаарууллаа.
Франс Пресс агентлагийн орон нутгийн цагаар 24-ний өдөр мэдээлснээр, Кремлийн ордны зүгээс ерөнхийлөгч Путин Иракийн ерөнхий сайд Мохаммед Шиа аль-Суданитай утсаар ярих үеэрээ "Энэ мэт үйлдэл нь зах зээлийн зарчимд харшлаад тогтохгүй дэлхийн эрчим хүчний зах зээлд ноцтой үр дагавар авчрах магадлалтай" хэмээн дурдсаныг онцлон тэмдэглэжээ.
“Их 7”-гийн бүлэг болон Европын холбоо ирэх 12-р сарын 5-наас эхлэн Оросын газрын тосны үнэд тогтмол хязгаарлалт хийх тохиролцоонд хүрсэн юм.
Үүнтэй холбогдуулан Европын холбооны гишүүн орнууд энэхүү асуудлыг эцэслэн шийдэхээр хэлэлцэж байгаа ч улс орон бүр янз бүрийн байр суурьтай байгаа талаар бид өмнө нь мэдээлсэн билээ. Өнгөрөгч 22-ны өдөр АНУ-ын Сангийн яам ойрын хэдэн өдөртөө багтаан үнийн дээд хязгаар тогтоох асуудлыг эцэслэхээр төлөвлөж байна гэж мэдэгдсэн юм.
Эх сурвалж: Newsis
Орос тгээд олон улсын зах зээл ,оршин тогтнох эрх ашгийн зарчмыг дагаж бнаа юм бгаа юу? Ёстой элэг хогнууд