Катар 2022 хөл бөмбөгийн ДАШТ-ий эхний тоглолтдоо Аргентин улсын баг тамирчдыг хожсон Саудын Араб улсын шигшээ багийн гишүүд бүгд Роллс Ройстой болох болжээ.
Дэлхийн хамгийн хүчтэй багуудын нэг болох Аргентин улсын баг тамирчдыг 2:1 харьцаатай буулган авсан тэдний амжилт хэсэгтээ л олны ярианы сэдэв болж чадсан юм. Улмаар Саудын Арабын хаан тамирчдынхаа ялалтыг тэмдэглэн лхагва гарагт бүх нийтийг амраах болсон билээ.
Тэгвэл үйл явдлын хүрээнд тус улсын ханхүү Мохаммед бин Салман Аль Сауд шигшээ багийн гишүүн бүрд Роллс Ройс Фантом загварын машин бэлэглэх болжээ. Энэ талаар хамгийн түрүүнд Энэтхэгийн бизнесмен Сухел Сет мэдээлсэн бөгөөд Саудын Арабын сошиал медиа идэвхтэн Аваб Альви ч Твиттер хуудаснаа жиргэж, мэдээллийг баталсан байна.
Гэвч одоогийн байдлаар тус улсын засгийн газраас албан ёсны мэдэгдэл хийгээгүй байгаа ажээ.
Эх сурвалж: Davas News