Биткоиныг үндэсний мөнгөн тэмдэгтээ болгосон Эль Сальвадор улс өнгөрөгч долоо хоногт Үндэсний Биткоины Хороотой болжээ. Тус хороо нь биткоинтой холбоотой дотоодын бүх л төсөлд хяналт тавих юм. Улмаар Эль Сальвадорын Үндэсний Биткоины Хороо нь биткоинтой холбоотой асуудлуудын хүрээнд бусад улс оронтой хамтран ажиллах ч боломжтой гэнэ.

Олон улсын зах зээлд биткоины ханш эрс унасан энэ үед тус улсын эрх баригчид тийнхүү биткоин, криптовалютын хүрээнд хэрэгжүүлэх стратегиа улам хөгжүүлж байгаа ажээ.

Одоогийн байдлаар тус хороо нь тэргүүнгүй байгаа бөгөөд тэргүүнийг Эль Сальвадорын ерөнхийлөгч Букеле өөрийн биеэр ажилд авах гэнэ. Харин хорооны бусад ажилтныг тэргүүн өөрөө бүрдүүлэх юм.

Тийнхүү Эль Сальвадорын Үндэсний Биткоины Хороо даваа гарагт үүд хаалгаа нээжээ.

Эх сурвалж: Crypto Potato