Мягмар гарагт AFP агентлагаас мэдээлснээр Тайланд улсын нэгэн жижиг сүмийн лам нар сэтгэцэд нөлөөлөх эмийн шинжилгээ өгч, бүгд унаснаар сүм эзгүйрэхэд хүрчээ.
Тайланд улсын хойд хэсэг дэх Петчабун аймгийн нутаг дэвсгэрт оршдог тус сүмд дөрвөн лам амьдардаг байсан бөгөөд лам нараас шинжилгээ авахад бүх сорьцоос сэтгэцэд нөлөөлдөг метамфетамин илэрсэн байна. Улмаар лам нарыг сэтгэцэд нөлөөлөх эмийн хамаарлаас нь гаргахаар эрүүл мэндийн клиникт хүргэжээ. Тийнхүү сүм эзгүйрсэн юм.
Харин лам нарыг яагаад шинжилгээнд хамруулах болсныг сонирхоход, Тайланд улсад хар тамхины наймаатай тэмцэх үндэсний кампанит ажил өрнөж байгаа гэнэ. Гэвч албаныхны зүгээс сүмийг шалгах болсон шалтгаанаа тодруулж хэлээгүй байна.
Эх сурвалж: BBC