Беларусийн сөрөг хүчний нүүр царай болсон Марыя Калеснікава ял эдэлж байх хугацаандаа эрчимт эмчилгээний тасагт шилжжээ. Энэ талаар түүний холбоотнууд Твиттер хуудсаар нь дамжуулан мэдэгдсэн байна.
Тэдний мэдэгдсэнээр, “Энэхүү мэдээллийг эмнэлэгт ажиллаж байгаа өмгөөлөгчийн зүгээс батласан болно: Даваа гарагт түргэн тусламж Марыя Калеснікаваг эмнэлэгт хүргэж, яаралтай мэс засалд оруулан эрчимт эмчилгээний тасагт шилжүүлсэн” гэжээ.
Харин Марыя Калеснікавагийн биеийн байдлын тухайд тэдний хэлснээр, “Марыягийн биеийн байдал хүнд байгаа ч ерөнхийдөө тогтворжсон” гэсэн юм. Улмаар түүний холбоотнуудын хэлж байгаагаар Марыяг өнөөдөр мэс заслын дараах тасаг руу шилжүүлэх ажээ.
Одоогийн байдлаар түүнийг ямар шалтгаанаас үүдэн мэс засалд орох болсон тухай тодорхой мэдээлэл үгүй юм.
Марыя Калеснікавагийн хувьд 2020 онд ерөнхийлөгч Александер Лукашенког улиран сонгогдсон явдлыг эсэргүүцэн олныг хамарсан жагсаал зохион байгуулсан шалтгаанаар 2021 онд 11 жилийн хорих ял сонссон билээ.
Эх сурвалж: BBC