Аргентины хөл бөмбөгч Лионель Месси Мексикийн шигшээ багийн өмсгөлийг хөлөөрөө хөдөлгөж буй бичлэг мексик боксчин Канело Альваресийн хилэнг төрүүлээд авсан билээ.
Улмаар дэлхийн боксын 4 удаагийн аварга Альварес өөрийн Твиттер хуудаснаа, “Лионель Месси надтай битгий таараасай гэж бурхнаас гуйсан дээр” хэмээн жиргэсэн юм.
Тэгвэл түүний жиргээг дэвэргэх олон Лионель Месси болон Канело Альваресийн байршлыг ашиглан бодит амьдрал дээр тэдний таарах боломжийг тооцоолж үзжээ.
Тооцооллын дүнд хоёр тамирчин гадуур явж байгаад таарах магадлал тун бага гэсэн хариу гарсан байна. Учир нь боксчин Канело Альварес Мексикийн Жалиско мужид байгаа бол Месси Катар улсын Доха хотод байгаа билээ.