Өнгөрөгч бямба гарагт Саутуэст Эйрлайнс компанийн 192 дугаартай нислэг Билл болон Хилари Клинтоны Үндэсний нисэх буудалд ослын буулт хийжээ.

Шалтгааныг тодруулбал, тус нислэгт зорчиж явсан нэгэн эмэгтэй нислэгийн үеэр хүний гуянаас хазаж, онгоцны хаалгыг онгойлгохоор завдан “Есүсийн заавар байсан” гэж өөрийгөө өмгөөлсөн байна. Улмаар цагдаагийн байгууллагаас онгоц газардсан хойно эмэгтэйг баривчилжээ.

Шүүх байгууллагаас мэдэгдсэнээр эмэгтэйг Элом Агбегниноу гэдэг бөгөөд тэрээр 34 настай юм. Түүний гэр бүлийнхний хэлснээр тэд Эломын явж байгааг ч мэдээгүй гэнэ. Авиакомпаниас мэдээлсэн дагуу эмэгтэй ганцаараа, ямар ч ачаа тээшгүй аялж байжээ.

Үйл явдлын хүрээнд эмэгтэй бусдын биед халдсан, бүхээгийн ажилчдад хүндрэл учруулсан хэргээр ял сонсох болсон байна.

Эх сурвалж: Independent