Европын холбооны зүгээс Twitter компанийн гүйцэтгэх захирал болоод буй Илон Маскд хандан үзэн ядсан үг хэллэг болон бусад шалтгааны улмаас бүртгэлийг нь түдгэлзүүлээд буй Twitter хаягуудыг эргэн сэргээсэн тохиолдолд тус бүс нутаг дахь компанийн үйл ажиллагааг түр зогсоох хүртэл арга хэмжээ авч болзошгүйг анхааруулсан байна.
Их Британийн Financial Times сонины орон нутгийн цагаар өнгөрсөн сарын 30-ны өдөр мэдээлснээр Европын Комисс Маскд "Хэрвээ Twitter компани үйл ажиллагааныхаа хүрээнд контентын удирдлагын хатуу дүрэм журмыг дагаж мөрдөхгүй бол Европын газар нутаг дээр тус платформ үйл ажиллагаа явуулах боломжгүй болж мэдэх юм. Түүнчлэн дэлхий даяарх нийт борлуулалтынх нь 6 хүртэлх хувьтай тэнцэх хэмжээний торгууль ногдуулж болзошгүй" гэдгийг анхааруулсан байна. Тухайн өдөр Масктай цахим хэлбэрээр уулзалт зохион байгуулсан Европын холбооны дотоодын зах зээл хариуцсан комиссар Тьерри Бретон бүртгэлийг нь түдгэлзүүлсэн хаягуудыг эргэн сэргээх заалтыг журамласан дотоод дүрэм журмаа эргэн харахыг түүнээс хүсчээ.
Эх сурвалж: Maeil