АНУ болон тус улсын холбоотнууд Хойд Солонгосын төрийн өндөр албан тушаалтнуудын эсрэг хориг тогтоожээ.
БНАСАУ-ын хувьд энэ он гарсаар нийт 60 гаруй пуужингийн туршилт хийсэн бөгөөд тэдгээрийн дунд тив хоорондын баллистик пуужингийн туршилт ч багтсан юм. Тиймээс АНУ, Европын Холбоо болон Өмнөд Солонгос, Япон улсууд Хойд Солонгосын зэр зэвсэг бүтээх ажилд голлох үүрэг гүйцэтгэсэн Жол Иль Хо, Юү Жин, Ким Су Гиль нарыг хоригт оруулсан байна.
Хоригийн хүрээнд АНУ-ын зүгээс өөрийн нутаг дэвсгэр дээр бүртгэлтэй тэдний бүх хөрөнгийг царцаах бөгөөд хоригт орсон хүмүүс АНУ-ын иргэн, бизнесийн байгууллагатай ямар ч гүйлгээ хийж болохгүй юм.
Гэсэн хэдий ч зарим нэг шинжээчдийн шүүмжилж байгаагаар хоригийн арга хэмжээ нь БНАСАУ-д мэдэгдэхүйц нөлөө үзүүлэхгүй байгаа гэнэ.
Эх сурвалж: BBC