Хятадын цахилгаан автомашин үйлдвэрлэгч BYD компанийн 11-р сарын борлуулалт түүхэн дээд амжилт тогтоов
2022, 12 сарын 4. 21:260

Хятаддаа цахилгаан автомашины үйлдвэрлэлээрээ тэргүүлэгч BYD компанийн өнгөрөгч 11-р сарын борлуулалтын хэмжээ бүх цаг үеийн дээд амжилтыг тогтоосон байна.

Хятадын орон нутгийн хэвлэл мэдээллийн Businessnews Daily сонины 3-ны өдөр мэдээлснээр, BYD компани нь өнгөрөгч 11-р сард 230,129 ширхэг автомашин үйлдвэрлэж, 230,427 ширхгийг борлуулсан нь өнгөрсөн оны мөн үеэс 133 болон 137 хувиар тус тус өссөн үзүүлэлт болжээ.Ингэснээр тус компанийн борлуулалтын хэмжээ гурван сар дараалан 200,000 нэгжийг даваад байна.

Энэ оны эхний 11 сарын байдлаар нийт 1,641,819 ширхэг автомашин борлуулсан нь өнгөрсөн оны мөн үеэс 219 хувиар өсчээ. Энэ жил хамгийн олон тоогоор борлуулагдсан бүтээгдэхүүнээр шинэ эрчим хүчний суудлын автомашинууд буюу цахилгаан тээврийн хэрэгсэл, гибрид автомашин, устөрөгчийн тээврийн хэрэгслүүд нэрлэгдэж байгаа бөгөөд 1,622,781 ширхэг борлуулагдсан байх юм.

Энэ хугацаанд экспорт ч мөн нэмэгдсэн байна. Тодруулбал тус компанийн 11-р сарын экспорт 12318 нэгж байсан бол 1-11-р сар хүртэлх нийт экспорт 44596 нэгж болж, өнгөрсөн оны мөн үеийнхээс 1115 болон 268 хувиар тус тус өссөн байна.

Арваннэгдүгээр сард экспортын хэмжээ ийнхүү огцом өсөх болсон шалтгаан нь өнгөрөгч 9-р сард Германы зах зээлд 'Han', 'Tang', 'Yuan PLUS' гэсэн цахилгаан автомашины гурван загварыг гаргаж Европын зах зээлд хөл тавьсны бодит үр дүн болон харагдаж буй нь энэ юм.

Тус компанийн хувьд өнгөрөгч 3-р сард дотоод шаталтат хөдөлгүүрт автомашины үйлдвэрлэлээ бүрмөсөн зогсоож, зөвхөн шинэ эрчим хүчний автомашины үйлдвэрлэлд анхаарлаа хандуулна гэдгээ зарласан билээ.

Хятадын Хуа-Ан судалгааны хүрээлэнгийн дүгнэж буйгаар "Дотоод шаталтат хөдөлгүүрт автомашины үйлдвэрлэлийг зогсоох тухай зарласнаас хойш BYD компани сар бүр 100,000 гаруй автомашин борлуулж байсан бөгөөд өнгөрсөн 9-р сараас хойш энэхүү үзүүлэлт 200,000 гаруй болон нэмэгдсэн байна. Түүнчлэн жил бүрийн 4-р улирал бол автомашины борлуулалтын оргил үе бөгөөд хорио цээрийн дэглэмийг хөнгөвчлөхийн хэрээр үйлдвэрлэлийн хүчин чадал сайжрах нь тодорхой тул 12-р сард борлуулалтын хэмжээ илүү нэмэгдэх нь дамжиггүй” хэмээн таамагласан байна.

Эх сурвалж: Asiae

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
БНХАУ: Инчуан хот дахь Porsche автомашины борлуулагч 148,000 ам.долларын автомашиныг 18,300 ам.доллароор худалдах зар нийтэлжээ
02023-2-3 18:47
Боинг компани 747 загварын сүүлийн агаарын хөлгөө захиалагчид нь хүргэжээ
02023-2-3 17:41
Владимир Путин: 80 жилийн дараа бид дахин Германы танкнуудтай тулж байна
02023-2-3 15:21
Килиан Мбаппе Аваргуудын лигийн шөвгийн 16 клубийн эхний тоглолтыг өнжих болжээ
02023-2-3 14:44
Аmazon компанийн орлого өнгөрөгч 4-р улиралд 149.2 тэрбум ам.долларт хүрсэн нь зах зээлийн хүлээлтээс давжээ
02023-2-3 14:22
ОХУ, Беларусийг олимпод оролцохыг зөвшөөрсөн ОУОХ уг шийдвэртээ НҮБ-ын нэрийг барин тайлбар өгчээ
02023-2-3 13:44
Массачусетс: Хоригдлууд эрхтний донор болох замаар ялаа хөнгөлүүлэх хуулийн төслийг санаачилжээ
02023-2-3 12:41
Их Британийн Shell компани өнгөрсөн онд 39.9 тэрбум ам.долларын ашигтай ажиллаж дээд амжилт тогтоожээ
02023-2-3 2:28
Европын холбоо: ОХУ-ын эсрэг 10 дахь багц хориг арга хэмжээг Украины дайн эхэлсэн өдрөөс авч хэрэгжүүлж эхэлнэ
02023-2-3 1:49
2022 онд Япон улсад гэмт хэргийн гаралт сүүлийн 20 жилийн хугацаанд анх удаагаа өсжээ
02023-2-2 18:45