Маргааш буюу мягмар гарагийн шөнийн 03:00 цагт хөл бөмбөгийн ДАШТ-ий хасагдах шатанд Бразил улсын шигшээ баг Өмнөд Солонгосын шигшээ багийн эсрэг тоглох болсон билээ. Тэгвэл уг тоглолтод Бразил улсын довтлогч Неймар оролцохыг дасгалжуулагч нь мэдэгджээ.
Дасгалжуулагч Титегийн хэлснээр Неймар ням гарагийн үдээс хойш бэлтгэлд оролцох бөгөөд бэлтгэлийн үеэр сайн тогловол тэмцээнд оролцоно гэсэн байна.
Парис Сент-Жермен клубийн довтлогч Неймарын хувьд ДАШТ-ий нээлтийн тоглолтын үеэр баруун хөлийн шагайндаа гэмтэл авснаас үүдэн ДАШТ-ий сүүлийн 2 тоглолтыг алгасах болсон юм. Гэсэн ч Бразил улсын шигшээ баг түүнгүйгээр хасагдах шатанд тэнцэж чадсан билээ.
Улмаар маргаашийн тоглолтод Бразил улс хожвол тэд ДАШТ-ий шөвгийн 8-д шалгарах юм.
Эх сурвалж: BBC