Өнөөдөр болсон хөл бөмбөгийн ДАШТ-ий хасагдах шатны тоглолтод Өмнөд Солонгос улсын шигшээ баг Бразил улсын шигшээ багтай хүч үзэж, 4:1 харьцаатай хожигдсон билээ. Улмаар Өмнөд Солонгос улс тийн ДАШТ-ийг өндөрлүүлж байгаа юм.

Тэгвэл үйл явдлын хүрээнд Өмнөд Солонгосын шигшээ багийн дасгалжуулагч Пауло Бенто ажлаа хүлээлгэн өгөх болсноо мэдэгджээ.

Өдгөө 53 настай Пауло Бентогийн хувьд 2018 онд Өмнөд Солонгосын шигшээ багт дасгалжуулагчаар ирж байсан юм.

Түүний хэлснээр, “[Одоо] Бид зөвхөн ирээдүйн тухай бодох хэрэгтэй. Харин [миний] ирээдүй Өмнөд Солонгосын шигшээ багтай нийлэхгүй. Би энэ талаар дөнгөж сая Өмнөд Солонгосын хөл бөмбөгийн холбооны ерөнхийлөгч болон багийн тоглогчдод хэлсэн.

Энэ шийдвэрийг би аль есөн сард л гаргасан бөгөөд сэтгэл шулуудсан.

Өнөөдөр би шийдвэрээ баталлаа. Би тэдэнд хийсэн бүгдийнх нь төлөө талархах учиртай. Тэд өөрсдийгөө бүрэн дайчилсан. Би тэдний хүрсэн үр дүнд сэтгэл хангалуун байгаа. Тэдний менежерээр ажиллахад бахархалтай байлаа” гэжээ.

Эх сурвалж: BBC