Их Британи, Умард Ирландын Вант улсын ханхүү Харри өөрийн гэргий Меган Марклийн хамтаар Нетфликс компанитай хамтран “Harry & Meghan” гэх цуврал, баримтат киногоо гаргах болсон билээ.
Тэгвэл уг цувралын шинэ трейлер өчигдөр олны хүртээл болсон байна. Трейлер дээр ханхүү Харри жирийн эмэгтэй хаан угсааны гэр бүлд бэр болж орох нь хэчнээн зовлон дагуулдаг тухай өгүүлж байх ажээ. Түүний хэлснээр, “Түүхийг задруулна мөн худал түүх зохион ярина. Энэ бол бохир тоглоом. Би маш их айсан. Би түүх давтагдаасай гэж хүсээгүй. Хэн ч үнэнийг бүтнээр нь мэдэхгүй. Бид л бүх үнэнийг мэднэ” гэсэн юм.
Цуврал энэ долоо хоногийн пүрэв гарагаас олны хүртээл болж эхлэх бөгөөд нийт 6 ангитай үргэлжлэх гэнэ.
Эх сурвалж: BBC