Хоёр хүүхдийн эцэг эх болсон тэрбумтан Кайли Женнер, реппер Трэвис Скотт нар уур амьсгалын өөрчлөлттэй тэмцэгч нарын бухимдлыг төрүүлжээ.
Учир явдлыг тодруулбал, залуу хос хоёул нэг газар очоод буцахдаа тус тусын агаарын хөлгийг хөлөглөсөн байна. Үүнийг алдартнуудын аяллыг сурвалжлан нийтэлдэг Celebrity Jets гэх Твиттер хаягаас анхлан мэдээлжээ. Харин тэд энэ тухай мэдээллийг www.adsbexchange.com хуудаснаас авсан юм.
Тэдний жиргээнээс үзвэл Кайли Женнер, Трэвис Скотт нар энэ сарын 3-ы өдөр хоёул Флорида мужийн Майами хотоос Калифорни мужийн Ван Нуйсыг зорьж, нэг нислэгээр 25000 килограмм буюу 25 тонн нүүрстөрөгчийн давхар исэл ялгаруулж, 7000 килограмм шатахуун зарцуулжээ.
Улмаар сошиал медиа хэрэглэгчдийн зүгээс тэднийг “хамгийн хувиа хичээсэн хос” хэмээн өргөмжилсөн байна.
Эх сурвалж: UNILAD