Бүгд Найрамдах Косово улс нь Европын холбоонд элсэх хүсэлтээ гаргахаар шийджээ.

Орон нутгийн цагаар 6-ны өдөр dpa мэдээллийн агентлагийн мэдээлснээр, Балканы хойгт оршдог тус улсын ерөнхийлөгч Виоса Османи Европын холбоо болон Баруун Балканы орнуудын дээд хэмжээний уулзалт зохион байгуулагдаж Албанийн нийслэл Тирана хотод энэ тухай дурдсан байна.

Тэрээр “Би энд Европын холбоог хамгийн үнэнчээр дэмждэг орны удирдагчийн хувиар ирсэн. Өнөөдөр миний бие Европын холбооны бүхий л удирдагчдын өмнө Косово энэ ондоо багтаан тус холбоонд элсэх хүсэлтээ гаргах болно гэдгээ албан ёсоор зарлаж байна” гэв.

Энэхүү дээд хэмжээний уулзалтадЕвропын холбооны 27 гишүүн орны төлөөлөгчдөөс гадна Албани, Серби, Монтенегро, Косово, Хойд Македон, Босни Херцеговина зэрэг Баруун Балканы зургаан орны тэргүүнүүд уригдан ирсэн байна.

Түүнчлэн Косовогийн нэгэн адил Серби улс ч Европын холбоонд элсэх хүсэлтэй байгаа аж. Гэсэн хэдий ч тус улсыг Оросыг дэмжигч улс хэмээн чичлэх хандлага байгаа тул уг хүсэлт биелэх эсэх нь тодорхойгүй хэмээн шинжээчид дүгнэж байгаа юм.

Эх сурвалж: Asiae