Пүрэв гарагт Монгол улсын Хууль зүй, дотоод хэргийн сайд Х.Нямбаатарын мэдэгдсэнээр, өнгөрөгч шөнө холбогдох албаныхан Монголын төрийн өмчит, нүүрс олборлох, экспортлох компанийн гүйцэтгэх захирал асан, түүний гэр бүл болон хэд хэдэн бизнесмений гэрт нэгжлэг хийсний үр дүнд тэдгээр хүмүүсийг баривчилж, 48 цаг саатуулах болсон хэмээжээ.
Монгол улсын ард иргэдийн хувьд нүүрсний экспорттой холбоотой гэмт хэргийн хүрээнд улсынхаа нийслэлд жагсаал зохион байгуулаад өдгөө 5 дахь өдрийнхөө нүүрийг үзэж байгаа юм.
Сайдын хэлснээр, “Нүүрсний хулгайн хэргийн хүрээнд мөрдөн шалгах ажиллагааг дэмжихээр ажлын хэсэг томилсон. Ажлын хэсэг лхагва гарагт анхны хуралдаанаа хийсэн. Хуралдааны дараагаар мөрдөн шалгах ажиллагаа эрчимжсэн. Өнгөрсөн шөнө Эрдэнэс Таван Толгой ХХК-ийн гүйцэтгэх захирал асан болон өөр бусад долоон хүнийг баривчилсан.
Тэдгээр хүмүүсийн гэр болон албан газарт нэгжлэг үргэлжилж байгаа. Мөн уул уурхайн оператор Хишиг Арвин Индастриалын дээд түвшний удирдлага болсон хэд хэдэн менежерийг баривчилсан.
Мөрдөн шалгах ажиллагааны үүднээс нүүрсний экспорт саатахгүй учир нүүрс хэрэглэгчид санаа зовох хэрэггүй” гэжээ.
Эх сурвалж: ТАСС
Монгол улс
БНМАУ болцон юм уу?