Баасан гарагт ОХУ-ын Москва хотоос баруун хойд зүгт байрлах Мега Химки гэх худалдааны төвд гал гарч, нэг хүн амиа алджээ.
Москва хотын Онцгой байдлын албанаас мэдэгдсэнээр, гал нийт 7,000 шоо метр талбайг хамарсан юм. Улмаар ослын газар нийт 141 гал сөнөөгч, 47 гал унтраагч автомашин хүрч ажиллажээ.
Албаныхны хэлж байгаагаар гал сөнөөгчид дуудлага өгснөөс хойш ердөө 4 минутын дотор ослын газар очсон гэнэ. Харин галын шалтгаан урьдчилсан дүгнэлтээр эрчим хүчний холболтод богино холболт үүсэж, дэлбэрэлт болсонтой холбоотой гэж гарчээ.
Осол өнөөдөр Москвагийн цагаар өглөөний 06:00 цагт гарсан байна.
Эх сурвалж: ТАСС