ОХУ-ын Чита хотын иргэн Украины ерөнхийлөгч Володимир Зеленськийг зүүдэлснээсээ болж мөнгөн торгууль төлөх болжээ.

Хэргийн учрыг тодруулбал, Иван Лосев гэх эр Володимир Зеленськийг зүүдэлсэн тухайгаа өөрийн Инстаграм хуудаснаа нийтэлснээс болж Чита хотын шүүхэд шалгагдаж, энэ сарын 8-ы өдөр гарсан шүүхийн шийдвэрийн дагуу 30,000 рублийн торгууль төлөх болсон байна.

Залуугийн зүүдийг сонирхож үзвээс, түүний бичсэнчлэн, “Өнөөдөр би дайнд дайчлагдаж, ямар нэг бэлтгэлийн хуаранд очиж байна гэж зүүдэллээ. Тэнд очиход Зеленський тэргүүтэй Украины Зэвсэгт хүчин дайраад ороод ирсэн.

Тэд бүх хүнийг хүлж тавиад бүгдийг нь буудах гэж байх яг тэр мөчид Зеленський миний хажуугаар өнгөрч, “Өө, би чиний Инстаграм сториг үзсэн, Украин улс мандан бадраг! гэсэн.

Түүний хэлсэн үгийн хариуд би, “Баатрууд мандан бадраг!” гэхэд Зеленський мөрөн дээр минь товшоод, “Түүнийг суллаад бусдыг нь бууд” гэсэн” гэжээ.

Эх сурвалж: UNILAD