Португал улсын шигшээ багийн менежер Фернандо Сантос үүрэгт ажлаа хүлээлгэн өгөх болжээ.
Өдгөө 68 настай Фернандо Сантосын хувьд Португал улсын шигшээ багийн менежерээр 8 жил ажиллаж, 2016 онд зохион байгуулагдсан Евро 2016, 2019 онд зохион байгуулагдсан УЕФА Үндэстнүүдийн лиг тэмцээнүүдэд тус, тус тэргүүн байр эзлэхэд багаа удирдан чиглүүлж байсан амжилттай юм.
Харамсалтай нь энэ онд зохион байгуулагдсан хөл бөмбөгийн ДАШТ-д түүнээр удирдуулсан Португал улсын шигшээ баг шөвгийн дөрөвт шалгарч чадалгүй тэмцээнээ өндөрлүүлснээр Фернандо Сантос ийм шийдвэр гаргах болжээ.
Түүний зүгээс ДАШТ-ий сүүлийн 2 ч тоглолтод шигшээ багийн од Криштиану Роналдуг сэлгээнд суулгах шийдвэр гаргасан бөгөөд энэхүү шийдвэр Роналдугийн дэмжигчдийн уур хилэнг төрүүлээд амжсан билээ. Улмаар Роналдугийн гараанд гараагүй хоёр тоглолтод Португал улс нэг хожиж, нэг хожигдож, шөвгийн дөрөвт тэнцэлгүй нутаг буцах болсон юм.
Эх сурвалж: BBC