ХБНГУ-ын Берлин хот дахь Радиссон Блю зочид буудлын үүдний танхимд байх “АкваДом” аквариум хагарчээ.
Хэдэн сая литр ус агуулдаг энэхүү аквариум хагарснаар дан ганц зочид буудалд үерлээд зогсохгүй ойролцоох гудамжинд ч үерлэсэн байна.
Нийт 1,500 загастай тус аквариум нь 14 метр өндөр, цилиндр хэлбэртэй бөгөөд дэлхийн хамгийн том, босоо аквариумд тооцогддог юм. Цагдаагийн газраас мэдээлснээр аквариум хагарсан нь эд хөрөнгийн үлэмж хохирол учруулсан ба ослоос үүдэн хоёр хүн гэмтжээ. Үйл явдлын хүрээнд зочид буудал бүх зочноо гаргасан байна.
АкваДом аквариумыг тэртээ 2003 оны арванхоёрдугаар сард нээж байсан юм.
Эх сурвалж: BBC