Герман, Франц улсууд Европын өрсөлдөх чадварыг баталгаажуулахын тулд АНУ-ын “Инфляцыг бууруулах хууль”-ийн (IRА) асуудлаар дорвитойхон авч хэлэлцэхээр шийджээ.

Орон нутгийн цагаар 19-ний өдөр Ройтерс агентлагийн мэдээлснээр, Германы дэд канцлер бөгөөд Эдийн засаг, цаг уурыг хамгаалах сайд Роберт Хэвек болон Францын Эдийн засгийн сайд Бруно Ле Майр нар хэл ам дагуулах болсон тус хуультай холбоотой Европын ашиг сонирхлыг төлөөлөн ирэх оны 1-р сард АНУ-д айлчлахаар төлөвлөсөн байна.

Түүнчлэн Герман болон Францын засгийн газрын зүгээс мөн өдөр Европын холбооны ногоон аж үйлдвэрийг дэмжих зорилгоор хамтарсан санал хүргүүлжээ.

Энэ сарын эхээр АНУ-ын ерөнхийлөгч Жо Байден Францын ерөнхийлөгч Эммануэль Макронтой хийсэн дээд хэмжээний уулзалтын дараа зохион байгуулсан хамтарсан хэвлэлийн бага хурлын үеэр “Инфляцыг бууруулах тухай хууль”-ийн хуулийн төсөлд нэмэлт, өөрчлөлт оруулах боломжтой гэж мэдэгдсэн ч АНУ-ын Конгрессын зүгээс холбогдох хэлэлцүүлгийг үргэлжлүүлэх магадлал тун бага байгаа юм.

Эх сурвалж: YTN