Саяхан ханхүү Харри өөрийн эхнэр Меган Марклтай цуг Netflix-тэй хамтарч баримтат кино гаргасан билээ. Уг баримтат кинонд тэд өөрсдийн амьдралын тухай өгүүлэх бөгөөд хаан угсааны гэр бүлд эгэл жирийн гарал угсаатай хүн бэр болж ороход ямар хүндрэлүүд тулгарсан тухай нээлттэй ярьдаг юм.

Тэгвэл тус 6 ангит баримтат киноноос улбаалан ханхүү Харригийн төрсөн ах, хаан ширээний залгамжлагч, ханхүү Уильям дүүгээсээ холбоо тасалжээ.

Баримтат кинонд өгүүлснээр ханхүү Харри ханхүү Уильямыг гэр бүлийнх нь тухай худал мэдээлэл түгээсэн гэж буруутгасан байна. Улмаар эх сурвалжийн мэдээлснээр тус үйл явдал ханхүү Уильямыг цөхрөнгөө барахад хүргэсэн бөгөөд түүнийг дүүтэйгээ дахин харьцах хүсэлгүй болгосон гэсэн юм.

Уг мэдээллийн хүрээнд Insider мэдээллийн сайт Кенсингтон Ордон болоод Харри, Меган хоёрын хэвлэлийн төлөөлөгчөөс тодруулга авахыг хүссэн ч тэд ямар нэг мэдэгдэл хийгээгүй байна.

Эх сурвалж: Insider