Мягмар гарагт ОХУ-ын ерөнхийлөгч Владимир Путин Бүгд Найрамдах Донецк Ард Улсын удирдагчийн үүрэг гүйцэтгэгч Денис Пушилинтэй уулзжээ. Дээрх уулзалтын хүрээнд ерөнхийлөгч Путин гаднын хэвлэл мэдээллийн хэрэгслүүдийн үйл ажиллагааг хурцаар шүүмжилсэн байна.
Түүний хэлснээр, “Украины талаас Донецкийн ард иргэдийг бүслэн дайрч байгаа тухай гаднын нэг ч хэвлэл мэдээллийн хэрэгсэл, хүний эрхийн байгууллага мэдээлэхгүй, чимээгүй байсаар байгаа тул миний зүгээс хүмүүсийг энэ хэрэгт анхаарал хандуулаасай гэж уриалж байна” гэжээ.
Харин түүний энэ уриалгын хүрээнд Денис Пушилиний хэлснээр, “Бүгдээрээ үнэнтэй нүүр тулъя: Донбассын зүгээс зөрчилдөөнийг энхийн замаар шийдвэрлэх гэж оролдож байсан. ОХУ ч мөн адил, тэд өөрсдийн эрх мэдлийн хэмжээнд бүхнийг хийсэн. Хэрэв бид Европ болоод барууныханд итгэж болохгүй гэдгээ аль эрт мэдсэн сэн бол… Тэдний хэлснээр тэд зөвхөн Украинд цаг хожиж өгөхийн тулд баримт бичгүүдийг үзэглэж байсан” гэсэн юм.
Эх сурвалж: ТАСС