Лхагва гарагт Твиттерийн гүйцэтгэх захирал Илон Маск Твиттерийн бодлогод өөрчлөлт оруулж, зөвхөн баталгаажсан хэрэглэгчийн цэнхэр тэмдгийг эзэмшигчид тус платформ дээр явж буй санал асуулгуудад оролцох эрхтэй байхаар зохицуулалт хийх гэж байгаагаа хэлжээ.
Түүний ийн зохицуулалт хийх болсон шалтгааныг BBC агентлагийн зүгээс тайлбарласнаар Илон Маск өнгөрөгч ням гарагт “Би Твиттерийн гүйцэтгэх захирлын албан тушаалаасаа буух ёстой юу?” хэмээн асуусан санал асуулга явуулсантай холбоотой гэнэ. Учир нь түүнийг санал асуулгад нийт 17 сая хүн оролцож, тэдний 57.5 хувь нь Илон Маскийг Твиттерийн гүйцэтгэх захирлаар үргэлжлүүлэн ажиллахыг эсэргүүцжээ.
Твиттерийн хувьд баталгаажсан хэрэглэгчийн цэнхэр тэмдгээ сарын 8 ам.доллароор үнэлж байгаа боловч шинжээчдийн зүгээс тус тэмдгийг худалдан авах хүн харьцангуй цөөхөн байхыг анхааруулаад байгаа юм.
Эх сурвалж: BBC