БНСУ насанд хүрэгчдэд зориулсан, том хэмжээтэй хүүхэлдэй бүхий тоглоомын импортод тавьсан хоригоо цуцалжээ. Урт хугацааны туршид олон нийт засгийн газрыг хүмүүсийн хувийн амьдралд хэт оролцож байна гэж маргасны дүнд тус улсын засгийн газраас энэхүү шийдвэрийг гаргасан байна.
Тийнхүү Өмнөд Солонгосын Гаалийн албанаас мэдэгдсэнээр насанд хүрэгчдэд зориулсан, том буюу дундаж өндөртэй хүнтэй ижил хэмжээтэй хүүхэлдэйг хилээр нэвтрүүлэх бол бага насны хүүхэдтэй ижил хэмжээтэй хүүхэлдэйг хориглох гэнэ. Учир нь энэ төрлийн насанд хүрэгчдийн хүүхэлдэй бага насны хүүхдүүдийг чиглэсэн садар самуун гэмт хэрэг гарахад хүргэж болох ажээ.
БНСУ-ын хувьд насанд хүрэгчдэд зориулсан хүүхэлдэй тоглоомыг хуулиар хориглоогүй ч 2018 оноос хойш хилээр нэвтрүүлээгүй юм.
Эх сурвалж: BBC